Introdución
A Federación Galega de Bandas de Música Populares leva a cabo o VI Concurso Galego de Composición para Banda de Música e Sección Sinfónica no intento de cubrir a escaseza de repertorio musical galego para bandas de música.
O éxito acadado nestes cinco anos con obras para banda sinfónica:
- O Soño de Breogán de Juan Durán
- Irmandiños de Juan Fernández Gúzman
- Marea Negra de Antón Alcalde
- A Pedra da Serpe de José L. Represas
- A lenda da Santa Compaña de David Cuevas
- O misterio do Castelo de Pambre de Víctor Enguídanos Royo
- Na Galiza de Paulino Pereiro Martínez
- Insomnio de Juan Eiras Tojo
ou obras para banda de música:
- A Revolta Irmandiña de Raúl Martín Niñerola
- Terra de Oestrimnios e Monte Medulio de Andrés Álvarez
- Pórtico, Dolmen, Camiños da Fin da Terra e Noite de defuntos de Antón Alcalde
- Auga levada de Juan Eiras Tojo
- Espírito Galego de Santiago Quinto Serna
- A Batalla de Elviña de Manuel A. López Pérez
- Camiños da Luz de Santiago Fontes
- Arieñium de José Ignacio Blesa Lull
fan que teñamos un repertorio dun valor cultural e musical importantísimos.
O estreo das obras emanadas do concurso de composición no Certame Galego de Bandas de Música que se celebra anualmente, a difusión destas obras a través da nosa páxina web e a posta a disposición de calquera banda de música deste repertorio, fan que esta sexa unha cita anual moi atractiva para calquera compositor ou compositora.
Un ano máis convidamos a todos os creadores e creadoras que o desexen a sumarse a este proxecto, onde as nosas raíces e a nosa cultura chegarán a través das música a todos os escenarios do mundo.
