Detalle da nova
As obras A Revolta Irmandiña e O soño de Breogán gañadoras do I Concurso de Composición
Foto de Daniel Yonte Fuentes
Esta fin de semana, no Auditorio de Galicia, tamén houbo espazo para a composición. Da man de Xurxo Souto presentouse hoxe, domingo, o I Concurso de Composición Musical para Banda de Música e Banda de Música (sección sinfónica).
Na primeira das categorías (Banda de Música) a finalista foi a obra Terra de Oestrimnios de Andrés Álvarez Hernández, acadando o primeiro premio a obra A Revolta Irmandiña de Raúl Martín Niñerola. Na sección sinfónica a obra Irmandiños, de Juán Fernández Guzmán, proclamouse finalista deixando como gañadora a obra O soño de Breogán, de Juán Pedro Durán Alonso.
A convocatoria deste concurso realizouse a través da Consellería de Cultura da Xunta de Galiza e a Federación Galega de Bandas de Música Populares, organismos que estiveron representados na entrega de premios polo seu Director Xeral, Luís Bará, e polo seu presidente, Emilio Vázquez, respectivamente. A finalidade deste certame é fomentar e enriquecer o patrimonio cultural galego.
