Detalle da nova

XA ESTÁN AQUÍ

Xa están aquí. Aterran nesta nosa comunidade virtual as obras gañadoras do II Concurso de Composición. Chegan Auga Levada de Juan Eiras, Pórtico de Antón Alcalde Rodríguez, A lenda da Santa Compaña de David Cuevas, A pedra da serpe de José Luís Represas e Marea Negra de Antón Alcalde Rodríguez. Chegan logo de ser estreadas pola Banda Sinfónica da Federación Galega de Bandas nun magnífico concerto ofrecido no Teatro Rosalía de Castro da Coruña o pasado 30 de decembro.

Dende hoxe pódes escoitar e descargar as obras obrigadas do vindeiro IV Certame Galego de Bandas accedendo á sección comunidade. Dende a plataforma poderás descargar o práctico formato mp3, pero se che interesa o .awm sen pérdida de calidade, poderalos descargar tamén dende a sección de descargas, ben do concurso de composición, ben do certame galego.

Ademais podes ir escoitando, pouco a pouco, as gravacións íntegras do III Certame Galego que irán aparecendo nos próximos días tamén, e só, nesta comunidade como antesala ao gran lanzamento do vídeo do III Certame Galego de Bandas que tamén está a chegar.

A GOZAR!